அப்பாவுக்கு தப்பாம பொறந்திருக்காங்க.

எனக்கு ரொம்ப நாளா ஒரு பலமொழியில உடன்பாடு இல்ல. ( ஓய் யாரது.. நம்பாதிங்க நம்பாதிங்கனு உண்மைய சொல்றது? :( )
அதாவது
"நூல போல சேல..தாய போல புள்ள".

எனக்கு தெரிஞ்சி நெறய புள்ளைங்க தாய போல இருக்கிறதில்ல.அப்பா மாதிரி தான் இருக்காங்க. அப்புறம் எதுக்கு இந்த பலமொழி வந்ததுனு பிரிட்டனை சேர்ந்த சில மருத்துவ நிபுணர்கள் கிட்ட பேசிட்டிருக்கும் போது கேட்டிருந்தேன். அவங்களும் மெனக் கெட்டு ஆராய்ச்சி பண்ணி நான் சொன்னது சரி தான்னு நிருபிச்சிருக்காங்க. அப்பா சமத்தா இருந்தா குழந்தயும் சமத்தா இருக்கும். அப்பா ஓவர் அழிச்சாட்டியம் பண்ணா குழந்தயும் அப்படியே தான் செம அராஜக பார்ட்டியா இருக்குமாம். எனக்கு தெரிஞ்ச நெறய உதாரணக் குழந்தைகள் இருக்காங்க. அவங்க எல்லாரயும் உங்களுக்கு தெரியாது என்பதால் உங்களுக்கு தெரிந்த சில உதாரண குழந்தைகளை இங்கு அறிமுகப் படுத்த விரும்புகிறேன்.

1. நம்ம நிலா - செம அராத்து.
அவங்க அம்மா படு சமத்து. அநியாயத்துக்கு அப்பிராணி. சத்தம் போட்டு பேசக் கூட மாட்டாங்க. ஆனா அவங்க அப்பா பாருங்க. அவர பத்தி நான் எதும் சொல்லித்தான் உங்களுக்கு தெரிய வேண்டியதில்லை.

2. நம்ம அம்முவாகிய நிஷாலினி - பயம் கிலோ என்ன விலைனு கேக்கர ஆளு.
அவங்க அம்மா ரொம்ப பயந்த சுபாவம். அவங்க அப்ப எப்போவாச்சும் வெளியூர் போனா, அம்முவோட அம்மா அம்முவோட தாத்தா வீட்டுக்கு போய்டுவாங்க. வீட்ல தனியா இருக்க பயம். ஆனா நம்ம அம்மு பாருங்க பல்லி கால ஒடைக்கிறதுல ஆரம்பிச்சி கரப்பான் பூச்சிய பயமுறுத்தறது வரைக்கும் கொஞ்சமும் பயமில்லாம செய்வா. அவங்க அப்பா இருக்காரே. நடுக் கடல்ல தனியா குதிச்சி மீன் முள்ளால நெஞ்சில வீரத் தழும்போட உலா வர்ரார்.

3.நம்ம அண்ணாச்சி பவன் - வருங்கால மாவீரன்..
எதயும் புடிக்காம சைக்கிள் மேல ஏறி தனியா நிக்கறான். எதுனா மனசுல கொஞ்சமாச்சும் பயம் தெரியுதா பாருங்க. அவங்க அப்பா பன்ற இம்சைக்கு கொஞ்சமும் சளைக்காதவன்.

4. நம்ம அப்பு @ அப்ரா - சமத்து பைய்யன்.( என்ன மாதிரியே )
அவன் இருக்கிற இடம் தெரியுதா பாருங்க. தான் உண்டு தன் வேலையுண்டு. அவ்ளோ அப்பாவியா சமத்தா இருக்கான். நிச்சயம் அவங்க அப்பா மாதிரி தான் அவன் இருக்கனும். ஏன்னா அவங்க அம்மாவுக்கும் சமத்துக்கும் என்ன சம்பந்தம் இருக்க முடியும் சொல்லுங்க?:P

இப்போ சொல்லுங்க.தாயைப் போல பிள்ளையா இல்ல அப்பாவுக்கு தப்பாம பொறக்குறாங்களா சாரி வளர்கிறார்களா?