நவம்பர் 26 ல் பேபி பவனுக்கு நடந்தது என்ன? உடனடி விளக்கம் தேவை.

இப்பொதுதான் தெரிந்து பாப்பா மனம் கொந்தளித்து போயிள்ளது.ஒரு இருபது நாள் ஊரில் நான் இல்லை. அதற்குள் என்னவெல்லாம் நடந்திருக்கிறது. எங்கள் சங்கத்து சிங்கம், துறுதுறு தங்கம், வீரக்கனல், பயமறியா பாலகன், ரிப்பீட்டேய் புகழ் பவனுக்கு என்னாவாயிற்று? இதற்காகத்தானே சங்கத்தில் இரண்டு பெரிசுங்களை வேறு வைத்திருக்கிறோம். அவர்களும் கவனிக்கவில்லையா?



கையில் எதற்காக சலைன் ஏற்றும் கட்டு, சலைன் ஏற்றும் அளவுக்கு என்ன நடந்தது.

1. சாதாரண சளி காய்ச்சலா?

2. நம் சிங்கத்தின் இயல்பான வீரதீர செயல்களால் எதாவது பிரச்சனையா?

3. எதிரிகளால் எதாவது நடந்ததா?


முதலிரண்டு காரணங்கள் என்றால் பரவாயில்லை. நன்றாக பவனை பார்த்துக்கொள்ளுங்கள் என்ற சங்க அறிவுறையுடன் முடித்துக்கொள்வோம்.

மூண்றாவது காரணமென்றால் புனே ஸ்தம்பிக்கும். குட்டிப் பாப்பாக்களின் மூன்று சக்கர சைக்கிள் படை புனே புறப்பட தயாராக இருக்கிறது. இங்கும் தமிழகம் தழுவிய பந்த் நடக்கும். பத்து பஸ்ஸாவது எரியும். மொத்த தமிழ்நாடும் முடக்கப்படும் அபாயம் இருக்கிறது.

அதனால் பவன் அப்பா இம்சை அவர்கள் உடனே உடனே உடனே குட்டீஸ்கார்னர் கூண்டில் ஏறி நடந்தது என்னவென விளக்கம் கூறவேண்டும்